:: اتركو كل شي وتعالو !! ( الكاتب : أمجاد )       :: ودي آحكيلك عن ضحكتي والشعُور الحلو بوجودك." ( الكاتب : أمجاد )       :: مكرونة بالزبادي وللحم المفروم ( الكاتب : صمتي اتعبهم )       :: قلبي يشتاقه وهو بين اضلعي ( الكاتب : صمتي اتعبهم )       :: كوب قهوة ونقاط حروفها سكر ( الكاتب : غسق )       :: تفعيل العضويات .. ( الكاتب : ابو حسن )       :: علي يتبرع بأمواله من جوهرة التاج، ريك فلير يلمّح لظهوره في الرو ( الكاتب : نور الشمس )       :: ليفربول ينتزع التعادل من يونايتد ( الكاتب : نور الشمس )       :: الشلهوب وكاريلو ينعشان الهلال قبل السد ( الكاتب : نور الشمس )       :: سلام ( الكاتب : المحبوب )      

 

 

 

 ننتظر تسجيلك هـنـا


فـعـاليــات ومواضيع شــوق المميزة

نجم الأسبوع



 
العودة   منتديات شوق > الأقســام الشبابية > ركن السياحة والسفر
 

ركن السياحة والسفر نصائح للمسافرين ، برامج سياحية ، تجارب المسافرين

قرية ترشيحا عــروس الجليــل الفلسطينية

قرية ترشيحا وتعني جبل الشيح بالكنعانية. تقع إلى الشمال من مدينة عكا. وتبعد 20 عنها كم تقريبا. وترتفع 500م عن سطح البحر. بلغت مساحة أراضيها (47428) دونماً قبل الاحتلال. بما

إضافة رد
 
LinkBack أدوات الموضوع
#1  
قديم 04-12-2014, 03:21 AM
ألجـنرأل غير متواجد حالياً
لوني المفضل Cadetblue
 رقم العضوية : 4079
 تاريخ التسجيل : Aug 2012
 وقتك معانا : 2627 يوم
 أخر زيارة : 11-08-2012 (05:55 PM)
 المشاركات : 1,017 [ + ]
 التقييم : 50
 معدل التقييم : ألجـنرأل will become famous soon enough
بيانات اضافيه [ + ]
افتراضي قرية ترشيحا عــروس الجليــل الفلسطينية



[عزيزى الزائر لايمكنك مشاهده الروابط الا بعد التسجيلللتسجيل اضغط هنا]



[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

قرية ترشيحا وتعني جبل الشيح بالكنعانية. تقع إلى الشمال من مدينة عكا. وتبعد 20 عنها كم تقريبا. وترتفع 500م عن سطح البحر. بلغت مساحة أراضيها (47428) دونماً قبل الاحتلال. بما فيها أراضي قرية الكابري. وتحيط بها: أراضي قرى معليا ، واقرت ، وخربة سماح..



[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


تُعد القرية ذات موقع اثري يحتوي على مدافن منقورة وصهاريج وسلم يؤدي إلى عين وبقايا قرية(جعتون) في العهد الروماني.


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


وقد عثر فيها على بقايا معبد كنعاني يعود إلى ما قبل 3500 عام. استولت المنظمات الصهيونية المسلحة على القرية في 28 أكتوبر 1948. وشردوا معظم أهاليها. وأقاموا على أراضيها:مستعمرة معالوت ، مستعمرة (يحيعام) ، ومستعمرة (جعتون). ومستعمرة جدين. ومستعمرة (تسوريل) عام 1950. بالإضافة إلى مستعمرة نهاريا عام 1940 على وادي جعتون.



[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]





في مساء بارد من كل عام، يحيي أبناء وبنات ترشيحا ذكرى سقوط عروسهم... ذكرى دموع لم تجف بعد! انه الحنين، يضيء سماء القرية ومسيرة مشاعلٍ تنير درب النجوم. انه "يوم ترشيحا"... إنها صرخة دامية من رحم الأرض... تناجي الحرية وعودة الحق، صرخة الزيتون وغارسه وابتسامة أطفال يلهون فوق راحتيها... على انغام مسيرة أبنائك، وأشواق عيون في المهجر، اكتب ترشيحا: العروس الباقية فينا ما دامت الشمس تتربع في السماء.

ترشيحا: عروس الجليل
هنالك عدة روايات تروى حول اسم القرية؛ إحداها تعود إلى "شيحا جمال الدين" وهو قائد عربي مسلم كان في جيش صلاح الدين، حيث عندما قتل، طار رأسه من اعلى جبل المجاهد، و هبط حيث تقوم ترشيحا فقال الناس: "طار شيحا". تقع قرية ترشيحا على جبل المجاهد شمال فلسطين في الجليل، وتحديداً في قسم الجليل الغربي. تبعد 16 كم عن شاطئ البحر المتوسط شرقاً، و25 كم عن الحدود اللبنانية جنوباً، و27 كم عن عكا باتجاه شمال شرق. عن عروسه حدثني صفوت عودة (1931):

"كان عدد سكان ترشيحا قبل سنة 1948 حوالي 4000 نسمة، لما سقطت الكابري ونزحوا عن الغابسية وام الفرج والنهر وأجو لهون صار عدد سكانها حوالي 5000 نسمة.

ترشيحا اداريا تتبع لقضاء عكا وفيها قائمقام كان اسمه بدر بك فاهوم هو اللي مضى على هويتي بالإنجليزية سنة 1946. ترشيحا كانت مركز تجاري مهم، وخاصة انها واقعة بين عكا وصفد. وبما انها كانت مركز الجليل سموها "عروس الجليل". كانت مركز الصنايعيين، النجارين، الحدادين والميكانيكيين...

كان اللي بدو يصلح بريموس [قنديل] يجي على ترشيحا واللي بدو يصلح لوكس ييجي على ترشيحا.

كل يوم خميس كان بترشيحا سوق كبير ييجوا عليه من بنت جبيل والقرى اللي جنبها [في جنوب لبنان] ويتسوقوا فيه. كانوا ييجوا من الأردن لبيع الدواب والجمال والحبوب والأقمشة وغيرها."

الحياه المدرسية:


كان الإقبال على التعليم في ترشيحا شديداً؛ اذ كان عدد طلاب المدرسة سنة 1937، 350 طالباً. الصف الأول كان يضم أكثر من 60 طالباً، وعدد طلاب الصف السابع أكثر من 40 طالباً. في نهاية الثلاثينيات، أصبح عدد الذين يقرؤون ويكتبون أكثر من %70 من الرجال. أما مدرسة البنات فقد بدأت في نهاية العشرينات، وكان عدد الصفوف فيها ثلاثة؛ ثم زاد الى خمسة في نهاية الثلاثينيات. من ذكريات المدرسة روت لنا غوسطه دكور (1930):

"كان في مديرة أسمها نصرة، وفي عبلة عزّام من عكّا، ومعلمة أسمها منوّر، يعني كان في عنّا تقريبا 5 معلمات... أوّل معلمة طلعت بترشيحا هي بنت علي أبو حميدي، اسمها عليا، ولما تخرجت عملوا إحتفال كبير... بس كان في معلمين أغراب، مثل كرم حبيب من الرامّه معلّم الانكليزي والاستاذ إسكندر من الجليل اللي سكن في البلد لأنّه ما كان معه سيّاره. كل معلم كانوا ينقلوه من ترشيحا كان يبكي من قد ما كان مبسوط، أنا درست لصف سادس ابتدائي، لو كان على زماننا تعليم كنّا تعلّمنا... كنت دايما أنا وبنت اسمها رسميّة أبو خريبي نحارب على الأولى في الصف، وآخر شهادة أخذتها كنت الأولى وكانت المعلمة تمدحني وتكتبلي: ذكيّة ومفكّرة أهنّئكِ.."

دور نساء القرية في الانتاج والزراعة

عن هذا حدثتني غوسطه دكور:

"كانت النساوين تروح على الوعور، وكنت ألحق أمي وأنا صغيرة، هيّي تحطّب وأنا أجمع الحطب، نسوان الاسلام كانوا يجيبو الحطب على الحمير... بس المسيحيات ما كان عندهم حمير... كل شغلنا كان على الحطب، خبز، تسخين مي، طبيخ، لا كان غاز ولا إشي. قبل الـ 48 كنت من الصبح أقوم أطلع على كرم التين حتى أجيب سلّة تين لأبوي، كان يوكل تين قبل ما يطلع على الشغل، بتذكر كان يفيّقني ويقولّي يالله يابا... بعرفني أنا نشيطه... ما تصير الساعة ستة إلا أنا جايبي تين... بعدين ابدأ أعجن وأخبز، كان عمري حولي 15 سنه... أولاد أخوي كانوا صغار، وأنا كنت مسؤوله عنهم."

أما المعلمة وفية أبو حسان (1928) حدثتني فقالت:

"أنا كنت أشتغل بالزراعه، كانت كل عيلة تنزل وتزرع دخّان وتعشّب وتحوّش صبر وتين وبندوره وخيار، أمّا النسوان الحبالى ما كانوا ينزلوا. زمان ما كان في مستشفيات، كان في ثلاث دايات: أم أحمد البدوي وأم عبدو الشريح وأم صعد الله، وكل داية إلها العائلات اللي تخلّفها.

بالنسبة لتربية الصغار، الشغل كان يتقسم بين الحماه والام... يعني اذا كانت الحماة قويّة بتروح تشتغل بالارض، وإذا مش قويّة، تقعد بالبيت وتدير بالها على الاولاد لحد ما امهم ترجع من الارض... بس اللي ما في عندها حماه، كانت تاخذ ابنها معها على الأرض، يحطّو أكياس على الأرض تحت الشجرة وينام. النسوان كانت تشتغل وتزرع دخّان وخضرة وتساعد زوجها وتشتغل كمان بالبيت".

المقاهي

حدثني صفوت عودة وقال:

"كان في مقهى للختياريه مثل مقهى أبو شريف، يعني اللي يصير عمره 60 سنه يتقاعد ويروح على هذا المقهى. كان في كمان مقهى علي حمود تحتنا في الكراج وكانوا يجيبوا عليه وحده من نهاريا ترقص فيه، وكانت الشباب تروح عليه. أنا كنت اروح مع سيدي على القهوه، وكان فيه راديو كبير زي البوفيه... يقعدوا الناس يسمعوا الأخبار ايام الحرب العالميه الثانية كنا نسمع اخبار من برلين، كان اسم المذيع يونس البحري، ما كان حدا يفهم عليه. بعدها يطفوا الراديو ويسمعوا لتفسير واحد اسمه فهد الشريح الشاعر وبعد ما يفهموا الأخبار يطلبوا الشاي والقهوه. وقتها كانت أخبار الشرق الأدنى وأخبار مصر. وفي سنة 1946- 1947 كانت محطة لفلسطين تذيع من رام الله."

كوسا ليّا كوسا ليّا غيّروا اسمك عليّا:

روت لي غوسطه دكور ضاحكة:

"بترشيحا كان في شركة باصات لنعيم مسعود، وهو كان شوفير، وكان في كمان شوفير إسمه محمّد الدقّاق كان دمُّه خفيف، بتذكر مره كان سايق الباص من عكّا لنهاريا لترشيحا ولفسّوطة، كان معه واحد من فسّوطه، لما وصله على فسوطه صار الزلمه بدّو يعزموا على العشاء ... قاللو الشوفير بدّي أروّح صارت الدنيا ليل... قاللو بدّي أطعميك أكله ما في أطيب منها أسمها كوسا لَيّا... حطّو الاكلة على الطاولة واللا هي كبّة حيله مزقلطه بعدس... قاللو شو هاي الاكلة، قاللوا ذوقها ما اطيبها بتحرق... ومن فسّوطه لترشيحا وهو يقول: كوسا ليّا ...كوسا ليّا غيّرو اسمك عليّا، وبترشيحا كبّة حيله وبفسّوطه كوسا ليّا..."

ترشيحا يا ركن الجبل ومزيّنة برجالها...

عن روعة العرس في ترشيحا حدثتني غوسطه دكور:


"الاعراس المسلمه ما كانت تفرق عن الاعراس ألمسيحييه، كلهم دُربكّه وزقفة، بس كان الفرق الوحيد كنيسة وشيخ... كانوا يقعدو جمعه قبل العرس، يعجنو ويخبزو، وكل البلد تشارك ... كان في نسوان صوتها حلو تصير تغني، مثل أم جورج وأم موسى صبحي اللي كانت تدق عود وتغنّي ولمّا تيجي يقولو إجت لميا.... عند الإسلام كانت وحدة يقولولها أم مصباح كانت تسحج وراء العريس وتغنّي... كان الرجال يمشوا من قدّام والنسوان ورا. كانت الأغاني تختلف من بلد لبلد، مثلا بترشيحا يغنوا: ترشيحا يا ركن الجبل ومزيّنة برجالها واللي يحاربنا نحاربه وبالسيف نقطع شاربه."

عن الانتداب وثوره 1936:

حدثني ميخائيل حداد (1926) قائلاً:

"بال 1936 كنا اولاد بالمدرسه، بتذكر النشيد الوطني اللي كنا نغنيه:

بلاد العرب اوطاني من الشام لبغدان

ومن نجد الى يمن الى مصر فتطوان

وكنا بالمدرسة نطلع مظاهرات، مره تظاهرنا وين مركز البوليس ومره عند دائره القائمقام، هاي المظاهرات عملناها ضد وعد بلفور.

ترشيحا كانت مركز الثوار، رئيس الثوار اسمه احمد علي ابراهيم، كان الثوار يسبقوا للجيش الانجليزي ويخربوا الشوارع اللي يفوتو فيها الانجليز. مره مسكوا جندي انجليزي وجابوه على ترشيحا، كان اسمه جيمس، مسكوه ورموه بالمي."

وعن همجية الانتداب حدثتني غوسطه دكور :

"كان الانجليز لما ييجو على البلد تصير الناس تقول "غيّمت يا شباب"، وتصير الناس والثوار تتخبّا، واللي عنده برودي يخبّيها.

الانجليز كانوا يأمروا كل الرجال تنزل على البركة تحت، وين الملعب اليوم... بأوّل ترشيحا، هاي البركة نشّفتها إسرائيل. كانت الرجال تنزل تحت ويضلّوا هناك كل النهار، يمنعوهم يطلعو ويوكلو ويشربو... بتذكّر مرّة أبو سامي بشارة، دعسوله على إيده وكسروله إيّاها وهنّي يدفشو عند البوّابة، عشان يسألوا إذا في ثوّار واللا لأ... كمان كانوا يدخلوا على البيوت ويصيروا يخربوا ويحرقوا ..

كنت اسمع واحنا صغار عن ناس كانوا يتهموها بالخيانة، كانوا يجيبوهم من عكا ومن حيفا على ترشيحا، ويحبسوهن بالدّبشه... يحطّوهم بالبير ويصيروا ينزلولهم الأكل... بتذكّر مرّه إتّهموا واحد أسمه ركاد الجشّي إنّو بدّو يبيع أرضه لليهود، وأخذوه وقتلوه..."

احتلال القرية

صباح يوم الخميس 28 تشرين أول 1948، حوالي الساعة الخامسة، شوهدت ثلاث طائرات قادمة من شمال البلدة وإذ بها تقذف حملها على البلدة. لقد أطلق أهل البلدة الرصاص على الطائرة ولكن رصاص بنادقهم الخفيفة لم يؤثر بها. وبعد ساعة بدأت قذائف المدفعية تسقط على ترشيحا. وقد قدّر مجموع القذائف في الساعة بحدود خمسين قذيفة.

عن احتلال القرية حدثتني غوسطه دكور:

"لمّا قصفوا ترشيحا، ضربوا على الجامع قنبلة ومات حوالي 18 واحد منهم...طلبوا من أبوي ييجي على الجامع عشان يدفن الجثث قبل ما تطلع الريحة، راح ابوي وكام واحد وصاروا يحفروا جوَر بالجامع ودفنوهم...

لما طلعنا من ترشيحا ما كنّا واعيين لإشي، لمّا صارت اول غاره على البلد على الساعة 5 الصبح، كنت أنا قايمه عشان أعجن شويّة عجين لحتى نوخذ خبز معنا، وأبوي قاعد بشرب قهوة... ما حسينا واللا فات عنا أبو محمود الهوّاري... يركض ويصيّح ويقول بيتنا راح... طلعوا يشوفوا شو صار وأنا لحقتهم... كان إله أخت اسمها فوزيّة كانت بصفّي... هيّ أوّل وحدة طلّعوها بس ما كانت محروقة، بس لمّا طلّعوا زوجه كامل وإبنه كانوا محروقين.. مات كثير ناس بهاي الغاره، حوالي 18.. في بنت عمرها 13 سنة كانت حامل، نطّت من الشبّاك، وإجو لفّوها بحرام وحمّلوها..ما لحقوا يدفنوا كل الجثث لانه اجت كمان غارة وحطوهم بعقد... انا كتير شفت بهاي الحرب... فاطمة الهواري أكلت هوايتين وبالتنتين سلمت، أوّل ضربة إجت بظهرها وأخدوها على بنت جبيل وصحّت، وتاني ضربة كانت تحت الرّدم، كنا نسمعها تقول: اللي عم بقيم الرّدم أنا تحت، شوي... شوي.

لما اجت الغارة الثانية احنا كنا عند مرج سحماتا، في ناس ماتت وهم بسحماتا وهم هربانين هناك كان في واد منشّف، ضربت الطيّارة هناك وتخبّينا تحت الزيتون، كان عمي يقلنا حطّوا الزيتون بفمكو(كان الزتون صار أسود) بتلاقوا ريقكم فايض وما بتعطشو... وضلينا ماشيين لحتى وصلنا عند أختي على قرية البقيعة.. اليهود كانو يقصفوا عشوائي... الناس كانت تموت عالطريق.. إخوتي هربوا على لبنان، الشباب كانت تروح على لبنان أكثر..."

احنا تحت الردم طلعونا... احنا تحت االردم طلعونا...

"بترشيحا ماتوا ناس"، حدثتني سعاد حداد:

" لما قصفوا البيوت كانت النسوان تنادي احنا تحت الردم طلعونا... احنا تحت الردم طلعونا... لما الناس ماتت تحت الردم وما لاقت حدا يقيمها خافت الناس وطلعت.

الجرحى ولا حدا عالجها...اللي قدر يطلع وهو مجروح طلع... اللي ماتوا تحت الردم كانوا يحكوا... الطيارات صارت تضرب والناس خافت... إحنا ما شفنا اليهود... الطيارات هي اللي هججتنا.

احنا هربنا بعد اول غاره على ترشيحا، لما قررنا نطلع كان عندي جهاز كبير، ومش عارفي شو بدي اخذ معي، بالاخر ما اخذنا اشي، اهم اشي نسلم بروحنا، امي عملتلنا اكل، اخذت معها كيس لبنه ومرطبان الجبنة حطته بكيس، واخذت زعتر وخبز، واحنا حملنا شراشف ومخدات، البلد كلها طلعت. لما طلعنا اللي كان يدير باله على الاطفال بس النسوان، الزلمي ما كان يعمل اشي، المرا تقوم بمهمة البيت أكثر من طاقتها، يوم بعد يوم تعجن وتخبز وتغسل على ايدها... تعبنا كتير."

العودة تسللاً

عندما دخل الجيش الإسرائيلي القرية في 30 تشرين أول 1948 وجد فيها فقط، حوالي خمسين شخصا من الشيوخ والعجائز، جمعتهم الراهبة ماري لويس حداد التي كانت تقيم في ترشيحا في كنيسة الكاثوليك.

أما باقي السكان، فقد نزحوا عن القرية لاجئين إلى لبنان، وقسم منهم التجأ إلى القرى المجاورة، واخذ هؤلاء بعد أن هدأت حدّة الاحتلال بالعودة إلى بيوتهم تسللاً، وكذلك أخذ بعض الذين ظلوا في منطقة الحدود اللبنانية بالتسلل عائدين إلى القرية تحت جنح الظلام حتى انه لم تنته سنة 1948 إلا وقد بلغ عدد السكان الذين عادوا إلى بيوتهم حوالي 700 نسمة من مسلمين ومسيحيين، فيما يقدّر عدد سكانها المهجرين اليوم نحو 60,000 نسمة. عن العودة روت لي سعاد حداد (1931):

"ستي ام امي من الختياريه اللي بقيو بترشيحا، وكانت تيجي تحامي على بيت ابنها وبنتها، وحكت انه فاتت على البيت وشافت البيت مكسر.

في الي اخ اسمه صبحي وكان مثل النمر، كان عمره 10سنين، قال لإمي بدي اروح ع ترشيحا اشوف البيت، قالتله امي اسا بقتلوك اليهود، ما رد عليها وراح على البيت وشاف ستي، ولما رجع على البقيعه قال لامي ارجعوا ع ترشيحا.

اخوي صبحي قال لإمي بتقولك ستي ناس كتير رجعوا وقاعدين بالكنيسه، بعد شي شهر رجعنا... رجعنا تهريب... تسللنا بالعتمه لانه بالليل ما كان يكون يهود... كل البلد تسللت بهاي الطريقه، واحد يقول للثاني... وهيك رجعت الناس..."

أم ركاد تعيد شباب ترشيحا

روت لي غوسطه دكور:

"لمّا رجعنا من البقيعه على ترشيحا كانت البلد خربانه، كانت الجثث بعدها بالأرض والكلاب توكل فيهم... البلد كانت فاضيه مع إنّو كان في ختياريّه كثير اللي بقيوا بس ما كانوا يحكو معهم لأنّه بعرفو انه راح يموتوا عن قريب.

اخوتي هجوا على لبنان..هذا قبل ما يعملوا القسايم، وراحت خالتي مع واحده اسمها إم ركاد وجابتهم بليلة واحده، عملولهم تحقيق وبعدين اعطوهم القسايم...

هاي ام ركاد كانت تروح على لبنان تجيب رز وسكّر وعرق تهريب، وعاشت من ورا هالشغلة، وكانت توخد مصاري وتروح تجيب الشباب من لبنان... كثير ناس كانت تموت من الألغام... كانت النسوان هي اللي تطلع ع لبنان وتجيب الشباب، كانوا يروحو مشي من فسوطه لرميش [في لبنان].. ما كانو يبعتو الرجال لانه يخافو يقتلوهم..."

دخول الرومانية الى ترشيحا

خلال شهري ِشباط وآذار عام 1949 أحضرت السلطات الإسرائيلية عائلات من القادمين الجدد من رومانيا، وأسكنتهم في بيوت ترشيحا الخالية التي هُجّرَ أهلها وتم تركيز العائلات العربية في منطقة واحدة.

وعن هذا روت لي غوسطه دكور:

"أوّل ما فات الرومانية على البلد كانوا يطلّعو الشخص من داره ويسكنو محله.

بحارتنا ما كان في رومانية بس بحارة الدكاوري [عائلة دكور] طلّعوهم كلّهم وأعطوها للرومانيّه وحاصرو اهل البلد بمنطقه وحده، كان ممنوع نكون قراب على الرومانية.

دار فارس مصطفى عملوها مدرسة لليهود... لما طلعو اليهود باعوا دورهم، احنا اشترينا دار بحارة الدكاوري... وكان الكنيس جنبنا، صاروا وقتها ييجو اليهود على بيتنا ويطلبوا منا نفوت نضوي ونطفي الكهرباء بالكنيس... لانه أيام ألجمعه والسبت ممنوع يضووا الكهرباء.

الرومانية طلعوا من ترشيحا لمّا بنوا الهم المستوطنات، طبعا بنوا معلوت ومعونا على اراضينا، مثلا كرم التفاح وارض الزتون تبعنا بنوا عليه جزء من الموشاف. في ناس رجعت على بيوتها ولاقت الرومانيه ببيوتهم، مثلا دار معين... ضحكوا عليهم وقالولهم هاي البلاد فيها ذهب بس تعالوا..."

سقطت ترشيحا بيد اليهود في 30 تشرين أول كسقوط سواها من المدن والبلدان الفلسطينية. ولكن ترشيحا استعصت على اليهود إقتحامها في هذا التاريخ ظل أهلها في الوطن والشتات متشبثين بالبقاء في فيها أو بالعودة إليها ولو طال الزمن.





rvdm jvadph uJJv,s hg[gdJJg hgtgs'dkdm





رد مع اقتباس
قديم 12-02-2015, 11:53 PM   #2


الصورة الرمزية مستريح البال
مستريح البال غير متواجد حالياً

بيانات اضافيه [ + ]
 رقم العضوية : 19
 تاريخ التسجيل :  May 2012
 أخر زيارة : 10-09-2019 (09:14 PM)
 المشاركات : 29,990 [ + ]
 التقييم :  2132
 الدولهـ
Saudi Arabia
 الجنس ~
Male
 SMS ~
لوني المفضل : Chocolate
افتراضي رد: قرية ترشيحا عــروس الجليــل الفلسطينية



موضوعء فيء قمة الروعهء
لطالما كانتء مواضيعكء متميزة
لا عدمنا التميز و روعة الإختيار
دمتء لنا وداممء تألقكء الدائم
تحياتيء لسموكء
... مستريحء البألء ...


 


رد مع اقتباس
إضافة رد

مواقع النشر (المفضلة)
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
عيـون لا تبصر الجميــل مسلمه عصريه ركن النقاشات والحوار الجـاد 0 24-01-2015 09:40 PM


All times are GMT +3. The time now is 01:33 PM.

أقسام المنتدى

منتديات المواضيع الاسلاميه , منتديات المواضيع العامه , صحيفة اخبار الالكترونية @ ركن المواضيع الإسلامية @ ركن المواضيع العــامة @ صــالة إلترحيـــب @ •. قسم الالعاب والمرح والتسلية ..« @ قسم التراحيب , قرارات اداريه , تراحيب بالأعضاء الجدد @ ركن النقاشات والحوار الجـاد @ من هنـا وهنــــاك @ ركن السياحة والسفر @ الأقســام الأدبية والثقافية @ شـوق القصيـــد @ شـوق الخواطـــر @ شـوق القصص والروايات @ الأقســام الأسريـة @ عالم الرجل - ازياء رجالية @ عالم حواء , ألأناقة والجمال @ مطبخ حواء , عالم الطبخ @ ركن الديكورات واللمسات المنزلية @ ركن النصائح و الإرشادات الطبية @ بوردكاست 2018 , خلفيات ايفون 2019 , خلفيات بلاك بيري 2019 , مسجات 2019 , خلفيات جالكسي 2019 , خلفيات @ برامج كمبيوتر مجانية , العاب كمبيوتر @ منتدى الجوال والإتصالات @ مسجات , رسائل جوال sms @ قسم الشيلات والأناشيد @ توابع الفوتوشوب - دروس الفوتوشوب - قسم الفوتوشوب - قسم السويش ماكس - ملفات فلاشيه - SwishMax @ صور جميله , قسم الصور @ توابع الفوتوشوب , تحميل خطوط الفوتوشوب @ دروس الفوتوشوب - دروس الفوتوشوب بالعربي @ فعاليــات شــوق @ °•.♥.•° الأقسام الإداريـة °•.♥.•° @ شؤون المنتدى الإدارية @ قسم الطلبات والإقتراحات والشكاوي @ الإرشيـــف @ الاجتماعات الادارية @ اسرار البنات @ مدونات عامة @ شبكة أخبار الـرياضـة العربية والعالمية @ قصائد , قصص , اشعار , بقلم الاعضاء @ الخيـمــة الرمضـــانيــة @ الحمل والولادة , عالم الطفل @ المرحلة المتوسطة بنين , بنات @ المرحلة الإبتدائية بنين , بنات @ المرحلة الثـانوية بنين , بنات @ منتدى شوق , منتديات شوق @ الجامعات و الكليات بنين وبنات @ علاج المتأخرات عن الحمل @ منتدى خلفيآت الجوال @ خلطات حـواء @ وسع صدرك, نكت مقالب كوميديه, صور مضحكه @ فيض التميز والابداع @ قرارات اداريه , قسم القرارات الاداريه @ الأقســام الشبابية @ السيارات والدراجات النارية @ «ღ» كُرســي الإعتـــراف «ღ» @ الحياة الزوجية ● | ♥ ٌ » @ مواضيع من تصاميم الاعضاء - حصريات الموقع @ ملتقى الإداريين والإداريات @ القسم التــجـــــاري @ الســـوق الإلكتروني Online Shopping @ قسم القصائد الصوتية @ وظائف @ المرئيات والصوتيات الإسلامية @ الرسول والصحابة @ يوتيـ YouTube ـوب @ قسم التجــارب ومعالجة المواضيع @ قسم أريد حلاً @ ๑قسم خاص لـحصريات الاعضاء وإبداعاتهم ๑ @ بوح الخاطر ونبض المشاعر @ شغب ريشة لـ تصاميم الاعضاء @ العالم بمنظوري الشخصي -عدسة الاعضاء @ مجلة المنتدى @ قــــاعة المناســـــــبات @ ركن الأشغال اليدوية والخياطة @ » شـوق كافيــه « @ ®؛°¨°؛®][ الأقسام التعليمية ][®؛°¨°؛® @ قسم اللغة العربية وآدابها @ قسم تطوير الذات @ إضاءات اللغة الانجليزيه واللغات الأخرى @ قسم اللغة العربية وادآبها @ إضاءات اللغة الإنجليـزية واللغات الأخـرى @ ركن شروحات المنتدى @ ذوي الإحتياجات الخاصة @ قسم الثروات الطبيعية @ فيديو المطبخ @ ركن المخالفات @ المدونات المميزة @ °•.♥.•° الأقسام الترفيهية °•.♥.•° @ قيد المراجعة والتدقيق @ فعاليات ومسابقات رمضان @ مائــــدة رمضــان @ مطبخ آل شوق لـحصرياتكم @ لجنة المسابقات @ إستضافات آل شوق @ قسم التميــز @ اليوم الوطني "89" للمملكة العربية السعودية @ قسم المصارعة والألعاب المتنوعة @ همس القوافي بأقلام الأعضـاء @ ركن الرسـم والفنـون @ ملتقى المشرفين والمشرفات @ شوق للردود المتميزة @ قسم التاريخ والتراث @ لكل مشكلة حل @



Powered by vBulletin® Version 3.8.11
Copyright ©2000 - 2019, vBulletin Solutions Inc.
Search Engine Friendly URLs by vBSEO
HêĽм √ 3.1 BY: ! ωαнαм ! © 2010
new notificatio by 9adq_ala7sas
دعم Sitemap Arabic By

هذا الموقع يستعمل منتجات MARCO1